Aik Aur Panga

Zindagi mein pehlay hi kuch kum pangay nahi thay ke ye blog bhi create kar liya hai.  

Iss say pehlay bhi kai blog create kiyay aur kuch ko kisi hadd tak update bhi karta raha lekin aakhir mei'n inn do blogs http://thinksucceeded.blogspot.com aur http://e-maqzine.blogspot.com kay ilaawa kis ko regularly update nahi kar saka.  Ab tu inn dono blogs ko bhi update nahi kar paata hoon haalaankey Think SUCCEEDED mera most favourite blog hai.  I really love it.

Abhi kuch pata nahi ke yahan kya likhna hai aur kub tak likh paaoon ga, aur na hi iss baat ka yaqeen hai ke meri Roman English kitnay loag samajh sakein gay kyonkey har shakhs ka Roman English likhnay ka apna style hai.  Khaas taur par SMS messages nay tu language ka huliya bigaaRR kay rakh diya hai.  Phir bhi zyada say zyada koshish karoon ga ke behtreen tareeqay say likh sakoon jo Urdu script na paRRh saknay walay bhi aasaani say samajh jaaein.


Jald hi pehli mukammal post likhnay ki umeed hai.


Behtreen khawhishaat kay saath,


Saalik Siddikki